《90後巴士車長載客賣血生涯》

《90後巴士車長載客賣血生涯》


有時見到阿婆拖住部車仔等車,我都會攞貼啲行人路,等佢方便上車。某次落雨天,一位拉住車仔嘅阿婆上車,上車後係咁講唔該,我都等佢坐低先開車。

去到太古城阿婆先知搭錯車,有人教佢轉地鐵,但當時太大雨,阿婆無辦法落車,有個男人教佢總站搭720。


去到總站,阿婆企咗喺隔離坑行人路上,點知有部2X響長咹「砵」佢,我見到就即刻落車問阿婆去邊,並忍唔住幫佢指住部2X出氣:「一陣嚇親阿婆點算?」


我幫阿婆拉手推車同叫佢慢慢行唔使急。同佢行到720個站,見到部720入站就同佢拜拜,仲講聲中秋節快樂。阿婆話佢身上無月餅,但我心領了——呢啲係應該做嘅事嘛。


出版社:非凡出版
電子書

作者介紹

周健榮

周健榮

18歲起加入巴士公司維修部門當學徒,近年轉任兼職車長。年前在Facebook開設專頁「巴士維修技工的賣血載客生涯」,以第一身角度,撰寫擔任維修技工及巴士車長期間各種所見所聞,文筆抵死,吸引極多網民瀏覽。
回頁頂